OAAO Mom Partner — စည်းကမ်းနှင့် သဘောတူညီချက်

၁။ Program အကြောင်း

• OAAO က Partner တစ်ယောက်ချင်းစီကို ကိုယ်ပိုင် Partner Code ပေးပါတယ်။ ဝယ်သူက အဲဒီ Code နဲ့ ဝယ်ရင် Discount ရပြီး Partner က Commission ရပါတယ်။
• Order လက်ခံတာ၊ ငွေကောက်တာ၊ ပစ္စည်းပို့တာကို OAAO က လုပ်ပါတယ်။ Partner က ညွန်းပေးရုံပါပဲ။
• ဝင်ကြေး မရှိပါ။ ပစ္စည်း ကြိုဝယ်စရာ၊ Stock ကိုင်စရာ မလိုပါ။
• Partner ကိုယ်တိုင် ညွန်းလို့ ဝယ်တဲ့ Order အတွက်ပဲ Commission ရပါတယ်။ လူခေါ်ပေးလို့ ငွေရတာ မရှိပါ။ OAAO က ဝင်ငွေ ပမာဏကို ကတိ မပေးပါ။
• Partner က OAAO ရဲ့ ဝန်ထမ်း မဟုတ်ပါ။ ကိုယ်အဆင်ပြေတဲ့ အချိန်မှာ ညွန်းနိုင်ပြီး လစဉ် ရောင်းရမယ့် ပမာဏ သတ်မှတ်ချက် မရှိပါ။

၂။ ဘယ်သူ လျှောက်လို့ရလဲ

• အသက် ၁၈ နှစ် ပြည့်ပြီးသူ
• ကိုယ်ပိုင် Facebook ဒါမှမဟုတ် TikTok Account ရှိသူ
• ကိုယ်ပိုင်အမည်နဲ့ KBZPay ဒါမှမဟုတ် WavePay ရှိသူ

လျှောက်လွှာတွေကို OAAO က စစ်ပြီး ရွေးချယ်ပါတယ်။ ပထမအသုတ်မှာ Partner ၁၀ ဦး လက်ခံပြီး နေရာမရသူတွေကို Waiting List မှာ ထည့်ပါတယ်။

၃။ Partner Code

• ဝယ်သူက Order တင်တဲ့အချိန်မှာ Code ကို ပြောရပါမယ်။ Order အတည်ပြုပြီးမှ ပြောရင် Discount ရော Commission ပါ မရပါ။
• Order တစ်ခုမှာ Code တစ်ခုပဲ သုံးလို့ ရပါတယ်။
• Code ကို တခြားသူကို ရောင်းတာ၊ ပေးသုံးတာ၊ Coupon / Discount Group တွေမှာ တင်တာ မလုပ်ရပါ။

၄။ Commission

ပုံမှန်

ဝယ်သူ အမှန်ပေးတဲ့ ဈေးရဲ့ ၁၀%

တစ်လ ရောင်းအား ၁၅ သိန်း ကျော်ရင်

အဲဒီလ ရောင်းအား အားလုံးရဲ့ ၁၅% (၁၅ သိန်း ပြည့်ရုံနဲ့ မရပါ)

ဝယ်သူ

Partner Code နဲ့ ဝယ်ရင် ၁၀% Discount

• "ရောင်းအား" ဆိုတာ ဝယ်သူ အမှန်ပေးတဲ့ ပစ္စည်းဈေးကို ပြောတာပါ။ Delivery ခ မပါပါ။
• ဝယ်သူ ပစ္စည်း လက်ခံရရှိပြီး ၃ ရက် ကျော်မှ Commission အတည်ဖြစ်ပါတယ်။ ချို့ယွင်းလို့ လဲပေးတဲ့ Order ကလည်း Commission ရပါတယ်။
• Commission မရတဲ့ Order — ပယ်ဖျက်တာ၊ COD လက်မခံတာ၊ Order အတည်ပြုပြီးမှ Code ပြောတာ၊ Partner ကိုယ်တိုင် ဝယ်တာ
• 12.12 လို Sale ကာလမှာ ဝယ်သူက Sale Discount ကို ရပါတယ် (Code Discount ထပ်မပေါင်းပါ)။ Partner က Commission ဆက်ရပြီး အဲဒီရောင်းအားကိုလည်း လစဉ် ရောင်းအားထဲ ထည့်ရေပါတယ်။

၅။ ပထမဆုံး ပစ္စည်းကို ၅၀% နဲ့

• Partner တစ်ယောက်ကို တစ်ကြိမ်ပဲ — ကြိုက်တဲ့ ပစ္စည်း ၁ ခု ကို ၅၀% လျှော့ဈေးနဲ့ ဝယ်လို့ ရပါတယ်။
• ဝယ်တဲ့နေ့ကစပြီး ရက် ၃၀ အတွင်း ရောင်းအား ၁၀ သိန်း ပြည့်ရင် ပေးထားတဲ့ ငွေကို ပြန်အမ်းပြီး ပစ္စည်းကို အခမဲ့ ပေးပါတယ်။
• ၁၀ သိန်း မပြည့်ရင်လည်း ပစ္စည်းက Partner ပိုင်ပါပဲ။ ထပ်ပေးစရာ မရှိပါ။
• ဒီ ၅၀% နဲ့ ဝယ်တာကို ရောင်းအားထဲ မထည့်ရေပါ။

၆။ ငွေ ဘယ်တော့ ရလဲ

• လကုန်ရက်အထိ အတည်ဖြစ်တဲ့ Commission ကို လကုန်ပြီး ၇ ရက်အတွင်း လွှဲပေးပါတယ်။ ပမာဏ ဘယ်လောက်ပဲ ဖြစ်ဖြစ် လွှဲပေးပါတယ်။
• Partner ရဲ့ ကိုယ်ပိုင်အမည် KBZPay / WavePay ကိုပဲ လွှဲပါတယ်။
• ငွေလွှဲတိုင်း Order စာရင်း (Statement) ပို့ပေးပါတယ်။ မှားနေရင် ၇ ရက်အတွင်း ပြောပါ။ ပြန်စစ်ပေးပါမယ်။
• ၅၀% ပစ္စည်းရဲ့ ပြန်အမ်းငွေကိုလည်း Commission နဲ့ အတူ လွှဲပေးပါတယ်။

၇။ ညွန်းတဲ့အခါ

၈။ စည်းကမ်း ဖောက်ရင်

1. 1ပထမအကြိမ် — သတိပေးပြီး Post ကို ပြင်ခိုင်း / ဖျက်ခိုင်းပါမယ်။
2. 2ဒုတိယအကြိမ် — Code ကို ၁ လ ပိတ်ပါမယ်။
3. 3လိမ်လည်တာ၊ Order / Review အတု လုပ်တာ — Program ကနေ ထုတ်ပြီး မပေးရသေးတဲ့ Commission ကို မပေးပါ။

အကြောင်းပြချက်နဲ့ အထောက်အထားကို ပြပြီးမှ ဆောင်ရွက်ပါမယ်။ Partner ဘက်ကလည်း ရှင်းပြခွင့် ရှိပါတယ်။

၉။ ပုံ၊ Content နဲ့ ကိုယ်ရေးအချက်အလက်

• OAAO ရဲ့ ပုံ၊ Logo ကို Program အတွက်ပဲ သုံးပါ။ ပစ္စည်းရဲ့ အရောင်၊ Logo ကို မပြောင်းပါနဲ့။
• Partner ရိုက်ထားတဲ့ ပုံ၊ Video ကို OAAO က ပြန်သုံးချင်ရင် အရင် ခွင့်တောင်းပါမယ်။
• Partner ရဲ့ ဖုန်း၊ ငွေလက်ခံ Account စတဲ့ အချက်အလက်တွေကို Program အတွက်ပဲ သုံးပြီး အခြားသူကို မပေးပါ။ ဝယ်သူရဲ့ အချက်အလက်ကိုလည်း Partner က အခြားကိစ္စအတွက် မသုံးရပါ။

၁၀။ ထွက်ခြင်းနဲ့ စည်းကမ်း ပြောင်းခြင်း

• Partner က OAAO Page ကို Message ပို့ပြီး အချိန်မရွေး ထွက်လို့ ရပါတယ်။ ထွက်ခင် ဝယ်ထားတဲ့ Order တွေရဲ့ Commission ကို ပုံမှန်အတိုင်း ပေးပါမယ်။
• စည်းကမ်း ပြောင်းမယ်ဆိုရင် ၁၄ ရက် ကြိုပြီး အသိပေးပါမယ်။ အရင် Order တွေကို မထိခိုက်ပါ။
• Program ကို ရပ်မယ်ဆိုရင် ၃၀ ရက် ကြိုပြီး အသိပေးပြီး ရရန်ရှိတဲ့ Commission အားလုံးကို ပေးပါမယ်။